نشر الفنان المصري هشام سليم، صورة لمحضر التحقيق مع حارس فيلا الفنانة ياسمين عبدالعزيز،عبر صفحته الشخصية بموقع “فيس بوك”، في القضية المثارة حاليًا بين ابنته وبين ياسمين.
هشام سليم، علق على الصورة قائلًا: “شهادة الغفير بتاع الفيلا بيقول دخلنا مدام ياسمين وإن البنات ركبوا عربيتهم ومشيوا، يعني كانت المدام في الشارع والبنات ما عندهمش عربية لأن مش معاهم رُخّص وسنهم لا يسمح”.
وأضاف: “سؤال قانوني هل الغفير اللي بيشتغل عندهم لو قال الحقيقة هيفضل شغال؟ من كل سكان القرية ما لاقوش غير غفيرها يشهد”.
وتابع: “الحارس نسي يقول إن المدام اتضربت أمام ابنها اللي مش عارف ينام، ووالدتها اللي كانوا في الشارع معاها، والكذب والتلفيق مازال يجري”.
