1 – فكرة ” مش عبقرية ” للمسؤولين عن الأمن والطرق ومصالح العباد – قول يا سيدي وبلاش ” فذلكة ” .. الحكاية باختصار أن الزحام على الطرق الرابطة بين بعض المحافظات خاصة الصحراوية بلغ مداه .. وفي ما يبدو لا حلول واقعية للمشكلة المزمنة تلوح في الافق لقائدي المركبات – يا عم انطق عاوز تقول ايه ؟
2 – يحدث فقط في محافظات جمهورية مصر العربية .. في كل حتة وشارع وحارة وزنقة ” كوشك ” وكمان مش راضي باحتلال الرصيف ونزل في الشارع حواشي ” كشكوشه ” و مش يحترم نفسه على كده لأ ولكن يقتطع ربع نهر الشارع وطبعا الزبائن بتوع السيارات اللي واقف علشان يشترى السجاير الفرط ولا الكلينكس ” او الشبزي بطعم الفنكوش من عند عم كشكوك – يعني باختصار لما يكون في شارع واحد 17 كوشك قول يا رحمن يا رحيم على المشاة لأن اسم النبي حارسه فارد ” كوشكه ” مش ” مكشكشه ” – الرازق هو الله دون حيلة او خداع او احتلال ولا هي العملية أنا ومن بعدي المشاة !!
3 – سؤال حير البعض ولم تتوافر اجاباته لان النور ” مقطوع ” .. لماذا اتخذت وزارة الكهرباء قرارا باستبعاد البنك الدولي وبنك ” الاستثمار الاوربي ” من المساهمة في حصة مصر من الكلفة الاستثمارية لمشروع الربط الكهربائي بين مصر والسعودية ؟
4 – زاهى حواس وزير الدولة لشؤون الآثار الأسبق : تم اكتشاف بردية في منف وعندما ترجمها علماء الآثار اتضح ان كل الفراعنة كانوا ” أهلاوية ” .. هناك ثمة بردية مكتوب عليها / شجعوا ا&O5271;هلى / .. لم يحسم حواس ان كان يمزح أم لا حيث بدت على ملامح الوزير الأسبق علامات الجدية في ما هو يطلق عبارته الغريبة ؟
5 – البارحة كانت ليلتك ” مع السلامة ” .. جورج جرداق .
كل شيء ” راح وانقضى ” .. فهل يعود ؟
قد يكون .. ولكن مع سخونة اجواء ” الحرب الباردة ” – يا باردة العواطف و .. ” المقاطف ” !!
