علق الإعلامي عمرو أديب، على واقعة سخرية المطربة شيرين من النيل، لافتا إلى أنه وصله تهديدات لعدم الدفاع عن شيرين «ومحدش يقدر يدفع عن حاجة غلط»، موضحا أن ما أزعجه في الواقعة هو السخرية من مرض كان سببا في موت عبدالحليم حافظ.
وقال «أديب»، خلال تقديم برنامجه «كل يوم»، المذاع على قناة «أون إي»، الثلاثاء، إن شيرين تحتاج إلى أن«تتعلم»، مضيفا: «أنا مقدم على كورس علشان اتعلم، مش عيب يا شيرين يا حبيبي إن تجيبي حد يقولك تقولي إيه ومتقوليش إيه».
ونصح «أديب»، شيرين بقوله: «قربي من الناس اللي تعلمك، شوفي عبدالحليم كان بيقعد مع مين، ونجاة كانت بتقعد مع مين، اتعلمي يا بنتي، مش هينفع نغلط عمرنا كله».
وكانت شيرين، سخرت من طلب إحدى المعجبات عقب مطالبتها بأغنية «ما شربتش من نيلها» في حفل خارج مصر، قائلةً: «هيجليك بلهارسيا»، وتابعت: «اشربى إيفيان أحسن»، وهى مياه معدنية فرنسية الصنع.
