أكد الفنان أحمد فهمي أنه تم القبض عليه من قبل أمن الدولة، قبل دخوله عالم السينما، بسبب فيلم تم تصويره على الإنترنت.
وقال خلال لقائه مع الإعلامية “إسعاد يونس” ببرنامج “صاحبة السعادة” المذاع على فضائية “سي بي سي”: “كنا عيال تافهة وعملنا فيلم وكنا بنعرضه في عيد ميلاد واحد صاحبنا، وبعدين قولنا هنتريق على فيلم الطريق إلى إيلات”.
وأضاف: “بعدها بسنة كنت في مطعم لاقيت واحد جي يسلم عليا ويقولي شوفت الفيلم بتاعك بس أنت هتتشد قريب، يومين بالظبط ولاقيت أمين شرطة من أمن الدولة بيخبط عليا، وعلشان هو شخصية خطر جدًا قالي عايز ادخل الحمام قولته اتفضل دخل الحمام ومقفلش الباب طبعًا علشان هو شخصية خطر”.
وتابع “كلمت شيكو وهشام وقولتلهم، وكان عايز ناس معينة، فقولتله تعالى معايا القهوة، ودخلت بيه القهوة، وقولتلهم ده أمين شرطة من أمن الدولة، وبدأ التحقيق معايا في مكتب الصهيونية، وبعد انتهاء التحقيق الظابط قالي أنت عيل تافه”.
