أكدت صفحة السخرية الشهيرة “أساحبى” على موقع التواصل الاجتماعى فيسبوك أن ما فعلته الفنانة شيرين عبد الوهاب ببرنامج “أحلى صوت The voice” من قيامها بالضغط على زر القبول بالبرنامج بحذائها، هو أمر عادى وحدث فى نسخ كثيرة للبرنامج فى بلدان أخرى دون وصفه بالفضيحة أو غيره . وأرفقت صفحة “أساحبى” صورتين بالبوست لفنانين شاركا فى “the voice” النسخة الأجنبية وقاما بنفس التصرفات دون أن يصفهما أحد بالفضيحة، مشددين على ضرورة عدم اختزال كرامة البلد فى أشخاص. وجاء فى نص تدوينة “أساحبى”: “بغض النظر ان اللى شيرين عملته اتعمل فى نسخ كتير للبرنامج فى بلاد تانية ومش فضيحة ولا حاجة ولا حد طلع قالهم فضحتونا قدام العالم والجمهور هزر واتريق عليهم على النت، والموضوع عدى عادى جداً من غير ما حد يقولهم نسيت اصلك وكأن اصلها دة عيب مثلا انها كانت فقيرة وتعبت وكان عندها موهبة وقدرت توصل .. لا ازاى لازم تفضل فى اصلها حرام يعنى يتغير “، مستطردة ” معلومة أخيرة يا ريت نبطل نختصر كرامة البلد ومكانتها فى أشخاص .. احنا بنوضح الكلام ده لان احنا عملنا فيديوهات وكوميكس كانت هزار على مجرد موقف حصل فى برنامج مش اكتر مش عشان نقول ان حد نسى اصله ولا فضحنا ولا الكلام دة “. يشار إلى أن صفحة السخرية أساحبى قد نشرت العديد من الكوميكس والفيديوهات الساخرة على سبيل المزاح من موقف شيرين فى ضغط الزر بحذائها فى فى برنامج اكتشاف المواهب الغنائية
