علّق المخرج محمد سامي على الفيديو السخرية من الشرطة، الذي نشره شادي حسين وأحمد مالك، بقوله إن مالك «أخطأ واعتذر عما ارتكب»، مؤكدًا أنه ليس ضد معاقبتهما قانونيًا.
وأضاف «سامي»، في صفحته على «فيس بوك»: «لا خلاف أن أحمد مالك غلطان والولد اعتذر وخاف، وأعتقد إنه المفروض يكون اتعلم، لو في عقاب قانوني أنا برضه مش ضد».
وقال: «لكن بالنسبة للهتيفة والزياطين والعواطلية، عمركم ما حد من أولادكوا غلط! كلكم ما شاء الله مثاليين، أنا مش مصدق كم الغِل والكراهية اللي بقت عند الناس، المفروض المجتمع يكون رحيم على الناس، افتكر إن كمان يومين هتغلط أنت أو أبنك أو أخوك أو أبوك، وساعتها مش هتحب الناس تدبحك بالشكل ده».
